1 Դաւիթի (Սաղմոս)։
1 ա Մի բարկանար չարերի վերայ. Մի նախանձիր անօրէնութիւն գործողներին։
2 Որովհետեւ նորանք բ խոտի պէս շուտով կ’կտրուին, եւ կանաչ խոտի պէս կ’թառամին։
3 Տիրոջը յուսա եւ բարի արա. Բնակուիր երկրումը եւ հետեւիր ճշմարտութեանը։
4 գ Ցնծացիր Տէրով, եւ նա կ’տայ քեզ քո սրտի ուզածները։
5 դ Տիրոջը յանձնիր քո ճանապարհը՝ եւ նորան յուսա. Եւ նա կ’կատարէ։
6 ե Եւ քո արդարութիւնը դուրս կ’հանէ լոյսի պէս, եւ քո իրաւունքը՝ կէս օրուան պէս։
7 զ Համբերիր Տիրոջը եւ է սպասիր նորան. ը մի բարկանար այն մարդի ճանապարհը յաջողուելիս՝ որ իր չար խորհուրդները կատարում է։
8 Դադարիր բարկութիւնից, եւ թող տուր սրտմտութիւնը. թ մի բարկանար՝ որ չար գործես։
9 ժ Որովհետեւ չարերը կ’սատկեն, բայց Տիրոջն սպասողները ի երկիրը կ’ժառանգեն։
10 Դեռ լ մի քիչ ժամանակ էլ, եւ ամբարիշտը չ’կայ. Եւ խ երբոր նորա տեղին մտիկ տաս՝ նա չ’կայ։
11 Բայց ծ խոնարհները երկիրը կ’ժառանգեն եւ կ’ուրախանան խաղաղութեան առատութիւնովը։
12 Ամբարիշտը չար է մտածում արդարի դէմ. Եւ կ իր ատամները կրճտեցնում է նորա վերայ։
13 հ Տէրը ծիծաղում է նորա վերայ. Որովհետեւ ձ տեսնում է՝ որ նորա օրը եկել է։
14 Սուրը հանում են ամբարիշտները եւ իրանց աղեղները լարում, որ խեղճին ու աղքատին վայր գցեն եւ սպանեն ճանապարհով ուղիղներին։
15 ղ Բայց նորանց սուրն իրանց սրտի մէջ կ’մտնէ, եւ նորանց աղեղները կ’փշրուին։
16 ճ Արդարի քիչ բանը լաւ է քան թէ շատ ամբարիշտների ճոխութիւնը։
17 Որովհետեւ մ ամբարիշտների բազուկները կ’փշրուին, իսկ արդարներին հաստատում է Տէրը։
18 յ Տէրը ճանաչում է արդարների օրերը, եւ նորանց ժառանգութիւնը ն յաւիտեան կ’լինի։
19 Նորանք չեն ամաչիլ չար ժամանակում, եւ շ սովի օրերումը կ’կշտանան։
20 Որովհետեւ ամբարիշտները կ’կորչեն, եւ Տիրոջ թշնամիները կ’ոչնչանան ինչպէս արտերի պարարտութիւնը, ո կ’փչանան ծուխի պէս։
21 Ամբարիշտը փոխ է առնում եւ չէ վճարում, բայց չ արդարը ողորմած է եւ տալիս է։
22 Որովհետեւ պ նորա օրհնուածները երկիրը կ’ժառանգեն, բայց նորա անիծուածները ջ կ’սատկեն։
23 ռ Տիրովն է հաստատվում մարդիս գնացքը, եւ նա հաւանում է նորա ճանապարհին։
24 ս Թէեւ վայր ընկնի՝ չի կործանուիլ, որովհետեւ Տէրը նորա ձեռքիցը բռնում է։
25 Ես երեխայ էի եւ ծերացայ՝ եւ չ’տեսայ արդարին երեսից թողուած, եւ ոչ նորա զաւակին, վ որ հաց մուրանայ։
26 տ Արդարը ամեն օր ողորմած է եւ փոխ է տալիս, եւ նորա զաւակը օրհնուած է։
27 ր Յետ քաշուիր չարիցը եւ բարիք արա, եւ յաւիտեան կ’մնաս։
28 Որովհետեւ Տէրն ց իրաւունք է սիրում եւ իր սուրբերին չէ թողում. Նորանք յաւիտեան պահպանվում են, ւ բայց ամբարիշտների զաւակը կ’սատկի։
29 փ Արդարները երկիրը կ’ժառանգեն, եւ յաւիտեան կ’բնակուին նորանում։
30 ք Արդարի բերանը իմաստութիւն է խօսում. Եւ նորա լեզուն իրաւունք է զրուցում։
31 օ Իր Աստուծոյ օրէնքն իր սրտումն է. Նորա քայլերը չեն տատանուիլ։
32 Ամբարիշտը ֆ դիտում է արդարին, եւ ման է գալիս՝ որ սպանէ նորան։
33 Բայց և Տէրը նորան չի թողիլ նորա ձեռքին, եւ ա չի դատապարտիլ նորան՝ երբոր նա դատուի։
34 բ Սպասիր Տիրոջը եւ պահիր նորա ճանապարհը, եւ նա կ’բարձրացնէ քեզ՝ որ երկիրը ժառանգես. Եւ գ կ’տեսնես ամբարիշտները սատակելիս։
35 դ Ես ամբարիշտը տեսայ գոռոզ եւ տեղը հաստատ ինչպէս լայնատարած դալար ծառ.
36 Բայց մին էլ ե անցնելիս, ահա չ’կար նա. Ման եկայ նորան, եւ չ’գտնուեցաւ։
37 Իսկ արդարին մտիկ արա եւ ուղիղին տես. զ այսպիսի մարդի վերջը խաղաղութիւն է։
38 է Բայց անիրաւներն իրար հետ մէկտեղ կ’սատակեն. Ամբարիշտների վերջը կորուստ է։
39 ը Եւ արդարների փրկութիւնը Տէրիցն է. թ նա նորանց զօրութիւնն է նեղութեան ժամանակում։
40 Եւ ժ Տէրը կ’օգնէ նորանց եւ կ’ազատէ նորանց. Կ’ազատէ նորանց ամբարիշտներիցը եւ կ’փրկէ նորանց, ի որովհետեւ նորան են յուսացած։
Սաղմոս 37